საბურთალოს მაჟორიტარობის დამოუკიდებელი კანდიდატის, ჯოზეფ ალექსანდერ სმიტის შემდეგ, ქართულმა ოცნებამაც დაიწყო კედლების თავიანთი საარჩევნო პლაკატებისგან გასუფთავება. როგორც პარტიაში ამბობენ, დასუფთავების პირველი აქცია დღეს, 23 ოქტომბერს, საბურთალოს, ჩუღურეთისა და გლდანის რაიონებში გაიმართა.

"ვასუფთავებთ ქალაქს პლაკატებისგან, რომელიც საარჩევნო პერიოდში გამოვიყენეთ. ყველა ოპოზიციურ კანდიდატს მსგავსი ქმედებისკენ მოვუწოდებთ, რათა ჩვენი ქალაქი დავასუფთავოთ", - 2017 წლის თვითმმართველობის არჩევნებში გამარჯვებულმა გლდანის მაჟორიტარობის კანდიდატმა, ოთარ გრიგოლიამ.

პარტია სხვა ოპოზიციურ პარტიებსაც მიმართავს, რომ მიბაძონ და თავიანთი პლაკატებისგან გაასუფთაონ ქალაქი, თუმცა კედლების გასუფთავება მათზე ადრე საბურთალოს მაჟორიტარობის დამოუკიდებელმა კანდიდატმა, ჯოზეფ ალექსანდერ სმიტმა დაიწყო.