თიბისიმ მორიგი მნიშვნელოვანი საერთაშორისო აღიარება მოიპოვა. გავლენიანი ფინანსური გამოცემა — The Banker-ის ტექნოლოგიურ დაჯილდოებაზე თიბისი ცენტრალური და აღმოსავლეთ ევროპის ყველაზე ტექნოლოგიურ ბანკად დასახელდა.

The Banker-ის ტექნოლოგიური დაჯილდოება აღიარებს მსოფლიოში ყველაზე მოწინავე და გავლენიან ფინანსურ ტექნოლოგიურ ინიციატივებს — გარდამქმნელ პროცესებს, რომლებიც ფინანსური ინდუსტრიის სწრაფ ტექნოლოგიურ განვითარებასა და მომხმარებლების გამოცდილების გაუმჯობესებას ემსახურება.

ეს ჯილდო კიდევ ერთხელ უსვამს ხაზს, რომ თიბისი თავისი მომხმარებლებისთვის მუდმივად აუმჯობესებს ციფრულ გამოცდილებას და ამით ადამიანებს ცხოვრებას უმარტივებს.

საქართველოში დაახლოებით 40%-იანი ბაზრის წილით და თვეში1.3 მილიონი აქტიური ციფრული მომხმარებლით, თიბისის ციფრული ბანკინგი გახდა ადამიანების ყოველდღიურობის განუყოფელი ნაწილი — საცალო გაყიდვების 80%-ზე მეტი ონლაინ სრულდება, ხოლო რეალურ დროში სესხის დამტკიცების დრო დღეებიდან წუთებამდე შემცირდა.

წლევანდელ დაჯილდოებაზე The Banker-მა განსაკუთრებულად გამოარჩია თიბისის 3 ინოვაცია:

  • ბიზნესის მყისიერი აქტივაცია — ბიზნეს მობაილბანკში რეგისტრაცია 30 წამში;
  • თვითდასაქმებულების დაკრედიტება AI-ს გამოყენებით;
  • მომენტალური სავალუტო გადარიცხვები.

გვჯერა, ვქმნით ინოვაციას, ციფრული პროცესების ახალ სტანდარტებს და ვაგრძელებთ ისეთი სამომხმარებლო გამოცდილების დამკვიდრებას, რომელიც ადამიანებს ცხოვრებას უმარტივებს.