საქართველოს რაგბის ნაკრების ყოფილი კაპიტანი მერაბ შარიქაძე ანტიდოპინგ წესების დარღვევისთვის 11 წლით დისკვალიფიცირდა — ინფორმაციას BBC ავრცელებს. შარიქაძესთან ერთად დისკვალიფიკაცია დოპინგ-ტესტირების გაყალბების სქემაში ჩართულ სხვა რაგბისტებსაც შეეხოთ. ესენი არიან:

  • გიორგი ჭყოიძე — 6-წლიანი დისკვალიფიკაცია;
  • ლაშა ხმალაძე— 3-წლიანი დისკვალიფიკაცია;
  • ოთარ ლაშხი — 3-წლიანი დისკვალიფიკაცია;
  • მირიანი მოდებაძე — 3-წლიანი დისკვალიფიკაცია;
  • ლაშა ლომიძე — 9-თვიანი დისკვალიფიკაცია;
  • ნუცა შამათავა (გუნდის მთავარი ყოფილი ექიმი) — 9-წლიანი დისკვალიფიკაცია.

"მსოფლიო რაგბისა" და მსოფლიო ანტიდოპინგური სააგენტოს (WADA) ერთობლივი გამოძიების შედეგად გამოვლინდა სქემა, რომელიც გულისხმობდა ნიმუშის სავარაუდო შეცვლასა და დოპინგ-ტესტების ჩატარების შესახებ წინასწარ გაფრთხილებებს. გამოძიებამ დაადგინა, რომ ეროვნული ნაკრების ექიმი ნუცა შამათავა რაგბისტებს მოსალოდნელი ტექსტირების შესახებ აფრთხილებდა, რის შემდეგაც შარდის ნიმუშების გაცვლა ხდებოდა.

"ოპერაცია ობსიდიანის" სახელით ცნობილი გამოძიება 2023 წელს დაიწყო და აღმოაჩინეს ხუთი შემთხვევა, როდესაც მოთამაშეები, სავარაუდოდ, შარდის ნიმუშებს ცვლიდნენ.