"ადამიანურად მიმაჩნია და გაუგებარია, რატომ არ უნდა [დაფინანსდეს დიუშენის დისტროფისს წამალი]... გასაგებია, რომ ძალიან ძვირია ეს ყველაფერი, მაგრამ მე მგონია, რომ სახელმწიფოსთვის ეს პრიორიტეტული უნდა იყოს",— ამის შესახებ ახალქალაქის, კუმურდოსა და კარის მიტროპოლიტმა ნიკოლოზ ფაჩუაშვილმა "პალიტრანიუსის" ეთერში განაცხადა.

მისი თქმით, ეს ის საკითია, რომლის მიმართულებაც მომავალმა პატრიარქმა უნდა გადაწყვიტოს. მისივე განმარტებით, პატრიარქი თავად განსაზღვრავს შეეჭიდოს ამ პრობლემას თუ არა, მიუხედავად ხელისუფლების პოზიციისა. მეუფე ნიკოლოზმა ხაზი გაუსვა იმასაც, რომ ამ საკითხს მღვდელმთავრები ვერ დააყენებენ და ხელისუფლებასა და ეკლესიას შორის დაპირისპირება არ უნდა იყოს.

მეუფე ნიკოლოზია აზრით, პრობლემა, ალბათ თანხის რაოდენობაშია და მისივე თქმით, მოსიმენდა საერთოდ რატომ გაჩნდა ეს პრობლემა.

"ეს ზუსტად ის საკითხია, რომელიც მომავალმა პატრიარქმა უნდა განსაზღვროს, როგორც მიმართულება. ის გადაწყვეტს, რომ შეეჭიდოს ამ პრობლემას, მიუხედავად იმისა, რომ ხელისუფლება შეიძლება არ დაეთანხმოს, ამას პატრიარქი თავად გადაწყვეტს. მე კი ვიტყვი, რომ ვუჭერ მხარს, მაგრამ ჩემი მხარდაჭერით თუ არდაჭერით არაფერი შეიცვლება იმიტომ, რომ ეს პასუხისმგებლობა ჩემზე არ არის. მე ცხადია, რომ ადამიანურად მიმაჩნია და გაუგებარია, რატომ არ უნდა [დაფინანსდეს წამალი]... გასაგებია, რომ ძალიან ძვირია ეს ყველაფერი, მაგრამ მე მგონია, რომ სახელმწიფოსთვის ეს პრიორიტეტული უნდა იყოს.

ამ საკითხს მღვდელმთავრები ვერ დააყენებენ, პატრიარქმა უნდა დააყენოს ეს საკითხი. მე ვფიქრობ, რომ ხელისუფლებასა და ეკლესიას შორის დაპირისპირება არ უნდა იყოს. მე ვფიქრობ, რომ წინასწარი მოლაპარაკებები უნდა არსებობდეს და პატრიარქი უნდა შეუთანხმდეს და გამოიკვლიოს, რატომ არ შეიძლება ეს. ეს ხომ ნეიტრალური საკითხია, ხელისუფლების შეცვლაზე და მსგავს რამეზე ხომ არ არის ლაპარაკი. ჰკითხოს, რატომ არ შეიძლება [მედიკამენტების შეძენა] და თუ შეიძლება, მაშინ დააყენოს ეს საკითხი, ეკლესიისთვისაც კარგი იქნება ეს.

პრობლემა ალბათ თანხის რაოდენობაშია, დიდი ფულია ეს და საიდან უნდა მოვიდეს ეს ფული... არ ვიცი, არ ვარ ჩახედული მეც ვერ დავაყენებდი ასეთ საკითხს ასე ჯიქურ, თუ არ დაველაპარაკებოდი ხელისუფლების წარმომადგენლებს. მოვუსმენდი, რატომ გაჩნდა ეს პრობლემა საერთოდ", — განაცხადა მეუფე ნიკოლოზმა.