იაპონელი მოგზაური ნაოია ტაბიბიტო სოციალურ ქსელში წერს, რომ ველოსიპედი, რომლითაც მან მსოფლიო შემოიარა, ქობულეთში მოჰპარეს. მისი ინფორმაციით, ის უკვე დაუკავშირდა პოლიციას და მომხდარზე გამოძიება დაიწყო. ტაბიბიტოს განცხადებით, ველოსიპედზე მისი სამგზავრო ჩანთებიც იყო დამაგრებული.

"ახლა მხოლოდ ლოცვა შემიძლია — ეს არის ჩემი უნიკალური ველოსიპედი სახელად RISE, რომლმაც ამომავალი მზის ქვეყნიდან დაიწყო მსოფლიოს გარშემო მოგზაურობა. გთხოვთ…" — წერს მოგზაური სოციალურ ქსელში.

ცნობისთვის, ტაბიბიტო 2023 წლიდან მოგზაურობს და უკვე 46 ქვეყანას შემოიარა.