"ღირებულებითი აჯაფსანდალი, რომელიც დღეს ევროპარლამენტში ხდება, ჩვენ არაფერი საერთო არ გვაქვს და ვერც გვექნება", — ამის შესახებ შალვა პაპუაშვილმა ჟურნალისტებს ევროპარლამენტის საგარეო საქმეთა კომიტეტის მიერ საქართველოს შესახებ მიღებულ ანგარიშზე კომენტირებისას განაცხადა. მისი თქმით, "საბჭოთა მენტალიტეტის მქონე ადამიანებთან, გორბაჩოვის თანამებრძოლებთან და ფაშისტური განცხადებებით გამორჩეულ ხალხთან ქართველ ხალხს არაფერი საერთო არ აქვს"

"ჩვენ ვხედავთ, რომ ამ ხალხთან სასაუბრო სულ უფრო ნაკლები და ნაკლები გვრჩება. ჩვენ ვართ ღირებულებით ორ განსხვავებულ პოლუსზე. ევროპარლამენტის სახით ჩვენ გვყავს საბჭოთა კავშირის სახალხო დეპუტატთა ყრილობის რეინკარნაცია, ამ სიტყვის სრული მნიშვნელობით, ყველაფრით — ესთეტიკით, რასა იუკნევიჩიანეს რუსული აქცენტით, აბსოლუტურად ყველაფრით სრული რეინკარნაცია არის უკვე სახალხო დეპუტატთა ყრილობის, ხოლო ჩვენ ვფიქრობთ ევროპულად, ჩვენ ვფიქრობთ, როგორც დემოკრატიული ქვეყანა.

ჩვენს შორის არის ღირებულებითი უფსკრული, ის რაღაცა ღირებულებითი აჯაფსანდალი, რომელიც დღეს ევროპარლამენტში ხდება, ჩვენ არაფერი საერთო არ გვაქვს და ვერც გვექნება, ევროკავშირის ეს ინსტიტუცია უნდა შეიცვალოს თვისებრივად, იმისათვის, რომ საქართველოს პარლამენტსა და საქართველოს შეეძლოს რაიმე სახის ურთიერთობა. საბჭოთა მენტალიტეტის მქონე ადამიანებთან, გორბაჩოვის თანამებრძოლებთან და ფაშისტური განცხადებებით გამორჩეულ ხალხთან ქართველ ხალხს არაფერი საერთო არ აქვს." — განაცხადა პაპუაშვილმა.