საზოგადოებრივი მაუწყებელი 2026 წლის მსოფლიო ჩემპიონატის ტრანსლაციას ვერ შეძლებს — ინფორმაციას "მედიაჩეკერი" ავრცელებს. სამზაუს 2026 წლის მსოფლიო ჩემპიონატის ლიცენზიისთვის 960 000 ლარი უნდა გადაეხადა.

2025 წლის ბიუჯეტის ანგარიშში ვკითხულობთ, რომ საზმაუმ ტრანსლაციის უფლების ლიცენცია არ შეიძინა — ის სხვა იურიდიულმა პირმა შეიძინა. საზმაუს ფინანსურმა დირექტორმა, ნოდარ ჭიჭინაძემ საბჭოს სხდომაზე განაცხადა, რომ კერძო კომპანიამ FIFA-ს მიერ გამოცხადებულ კონკურსში ბევრად მეტი თანხა შესთავაზა ფეხბურთის მმართველ ორგანოს ლიცენზიის სანაცვლოდ.

ჭიჭინაძის განცხადებით, არის შესაძლებლობა, რომ საზოგადოებრივმა მაუწყებელმა კერძო კომპანიისგან მოიპოვოს ტრანსლაციის უფლება. კომპანიის სახელი ჯერ-ჯერობით უცნობია.

ცნობისათვის, საზოგადოებრივმა მაუწყებელმა 2022 წლის მსოფლიო ჩემპიონატის [Qatar 2022] ლიცენზია 1 142 801 ლარად შეიძინა.