იან სომერჰოლდერი აცხადებს, რომ სამსახიობო კარიერის დასრულების შემდეგ, ფინანსური პრობლემები ჰქონდა. როგორც ამერიკელი მსახიობი აღნიშნავს, პრობლემებისგან თავის დასაღწევად სახლები, მანქანა, საათები და ნახატებიც კი გაყიდა.

ვამპირის დღიურების ვარსკვლავმა სამსახიობო კარიერა ჯერ კიდევ 2019 წელს დაასრულა. სომერჰოლდერის თქმით, თაღლითურმა სქემების გამო მილიონობით დოლარის ვალი დაედო, ამ სიტუაციიდან გამოსვლა კი რთული აღმოჩნდა. ფინანსური პრობლემებისგან თავის დასაღწევად მსახიობმა თავისი ქონების დიდი ნაწილი გაასხვისა.

ფოტო: CBS / Warner Bros.

"წესით, მსოფლიოში ერთ-ერთი ყველაზე ცნობილი სერიალიდან [ვამპირის დღიურები] წამოსვლის შემდეგ, კარიერა უნდა დამესრულებინა", — აღნიშნა მსახიობმა.

მას შემდეგ, რაც სომერჰოლდერის მიერ შექმნილი სერიალი V Wars გაუქმდა, მან სამსახიობო კარიერა დაასრულა. 2024 წლის ოქტომბერში იანმა ჟურნალ People-ს განუცხადა, რომ მას მსახიობის ამპლუაში ვეღარ იხილავდნენ.

ფოტო: Getty Images

მიუხედავად იმისა, რომ მან V Wars-ზე საავტორო უფლებები დაიბრუნა, სომერჰოლდერის თქმით, წარმოდგენა არ ჰქონდა სამ კომპანიაში მუშაობისა და ბავშვების აღზრდის პარალელურად, როგორ შეეძლო სერიალის გადაღება.

იან სომერჰოლდერი სერიალ "V Wars"-ში

იან სომერჰოლდერი სერიალ "V Wars"-ში

ფოტო: Netflix

აღსანიშნავია ისიც, რომ სერიალ Lost-ის ვარსკვლავს აქამდეც ისაუბრა იმ რისკზე, რომელიც სამსახიობო და საპროდიუსერო კარიერის დასრულებას მოჰყვება.

"მახსოვს, ჩემს მენეჯმენტთან ერთად ვიჯექი და ვამბობდი: 'ეს ერთადერთი საქმეა, რაც კი ოდესმე გამიკეთებია და რითაც ჩემს ოჯახს ვარჩენდი, მე კი კარიერის მწვერვალზე ყოფნისას ამ საქმეს ვტოვებ", — განუცხადა მან People-ს 2024 წელს.

ფოტო: Getty Images

"ამას სრული თავმდაბლობითა და პატივისცემით ვამბობ, თუმცა მირჩევნია ეს საქმე [ბურბონის წარმოების ბიზნესი] ვაკეთო, ვიდრე სერიალის გადასაღებად ორი თვე სხვა ქალაქში, ჩემი ოჯახისგან მოშორებით, გავატარო ან ისინი წინ და უკან ვატარო", — დასძინა მან.

მსახიობის თქმით, როცა კარიერაში გარკვეულ საფეხურს აღწევ, გიჩნდება სურვილი, შენი მთელი დრო და ენერგია ოჯახზე ზრუნვას დაუთმო.

ფოტო: Getty Images

სომერჰოლდერის ცოლმა, ნიკი რიდმაც აღნიშნა, რომ გასართობ ინდუსტრიაში მოღვაწეობის შედეგად, მას და იანს "შესანიშნავი პლატფორმები" აქვთ.

"მე ამას უფრო გარდამავალ მომენტად აღვიქვამ. ვცდილობთ, ბიზნესი და გატაცებები ერთმანეთს სწორად შევუთავსოთ", — თქვა რიდმა გასულ წელს The Julia Cunningham Show-ში.

ამჟამად, რიდი და სომერჰოლდერი ერთად მართავენ The Absorption Company-ს, რომელიც დანამატების ბრენდია.. იანი ასევე ფლობს ბურბონის ბრენდს, სახელწოდებით Brother’s Bond Bourbon. წყვილს ორი შვილი ჰყავს — 8 წლის გოგო და 3 წლის ვაჟი.