სახელმწიფო უსაფრთხოების სამსახურის ინფორმაციით, დიდი ოდენობით თანხის მითვისებისა და გაფლანგვის ფაქტზე შპს "ენგურჰესში" შემავალი, შპს "კოდორიჰესების" დეპარტამენტის უფროსი დააკავეს — ხსენებული შპს ოკუპირებული აფხაზეთის ტერიტორიაზე ოპერირებს.

უწყების ინფორმაციით, დაკავებულმა პირმა სრულად ითანამშრომლა გამოძიებასთან და ჩადენილი დანაშაული აღიარა.

მას ბრალდება საქართველოს სისხლის სამართლის კოდექსის 182-ე მუხლის მე-2 ნაწილის "დ" ქვეპუნქტით და მე-3 ნაწილის "ბ" ქვეპუნქტით წარედგინა, რაც 7-დან 11 წლამდე ვადით თავისუფლების აღკვეთას ითვალისწინებს.