პარტია გირჩის წევრი, ალექსანდრე რაქვიაშვილი სოციალურ ქსელში დიმიტრი ხუნდაძის განცხადებას გამოეხაურა და დაწერა, რომ თუ ფასების შემსწავლელი კომისია ეროვნული ბანკისგან ფულის ბეჭდვის შეჩერებას მოითხოვდა, შედეგს მალევე დაინახავდნენ.

"არადა, ამ საუბრებსა და კომისიაზე დახარჯული დრო რაიმე ეკონომიკის სეხელმძღვანელოს შესწავლაზე დაეხარჯათ, უკეთესი იქნებოდა. ან უბრალოდ დაეჯერებინათ და ეროვნული ბანკისგან მოეთხოვათ ფულის ბეჭდვის შეჩერება. მალევე დაინახავდნენ შედეგს", — დაწერა რაქვიაშვილმა.

შეგახსენებთ, მანამდე პარტია ხალხის ძალის წევრმა, დიმიტრი ხუნდაძემ პლენარულ სხდომაზე განაცხადა, რომ ფასების კომისიის არსებობის მიუხედავად, პროდუქტებზე გასები მაინც იზრდება.

"არჩევნებამდე 2 წელზე მეტია დარჩენილი და პრობლემები იმაზე მეტია, ვიდრე მის მოსაგვარებლად ეს დრო საკმარისი იქნება. დემოგრაფიულ პრობლემებსა და ოჯახური ფასეულობების გაძლიერებაზე ხშირად ვსაუბრობთ, მაგრამ კონკრეტული ინიციატივები არ ჩანს.

ამიერკავკასიაში საქართველო დემოგრაფიულად დაპატარავდ, რაც მის პოლიტიკურ წონადობას ამცირებს და საფრთხეებს ბევრი მიმართულებით ქმნის. ასების შემცირებაზე არათუ ვსაუბრობთ, არამედ საპარლამენტო კომისია შევქმენით, 2 თვეა, პარლამენტში სხდომებს ვმართავთ, მაგრამ ფასები იზრდება და ზოგჯერ ამ ტენდენციებს ჩვენი გადაწყვეტილებით ვუწყობთ ხელს. ასე გაკეთდა 6 წელზე მეტი ასაკის მქონე ავტომობილების შეზღუდვით, რამაც ავტომობილები უკვე გააძვირა. კიდევ კარგი, რომ პლასტმასის აკრძალვაზე მთავრობის გადაწყვეტილება გადავადდა, თორემ მომხმარებელს პროდუქცია მყისიერად გაუძვირდებოდა. ელექტროენერგიის საფასურიც გაიზარდა და რეგიონში მიმდინარე საომარი მოქმედებების ფონზე, საწვავის ფასიც მუდმივად იმატებს", — განაცხადა ხუნდაძემ.