ლიბერალებისა და დემოკრატების ალიანსი ევროპისთვის (ALDE) X-ზე კახა კალაძის ბანერზე წარწერის გამო ელენე ხოშტარიასთვის წელიწადნახევრიანი პატიმრობის განაჩენს ეხმაურება. მათი თქმით, "ელენე ხოშტარიასთვის 1.5 წლიანი პატიმრობა სრულიად არაპროპორციულია მის მიერ ჩადენილი დანაშაულთან".

"ვგმობთ პარტია დროას ლიდერ ელენე ხოშტარიასთვის 1.5 წლიან პატიმრობას, რაც სრულიად არაპროპორციულია მის მიერ ჩადენილი დანაშაულთან — გამოხატვის თავისუფლებასთან და საქართველოს პროევროპული მომავლის სწრაფვასთან.

მოვითხოვთ მის დაუყოვნებლივ გათავისუფლებას და მის და მისი თანამოაზრე დემოკრატიული ოპოზიციის ლიდერებისა და აქტივისტების წინააღმდეგ ყველა პოლიტიკურად მოტივირებული ბრალდების მოხსნას, დამატებით მიზნობრივი სანქციების დაწესებას.

ქართველებო, თქვენ მარტო არ ხართ!", — წერს ლიბერალებისა და დემოკრატების ალიანსი ევროპისთვის (ALDE) X-ზე.

დღეს, 24 მარტს, კოალიცია ცვლილებისთვის ერთ-ერთ ლიდერს, ელენე ხოშტარიას კახა კალაძის საარჩევნო ბანერზე მარკერით "რუსული ოცნების" დაწერისთვის 1 წლითა და 6 თვით პატიმრობა მიესაჯა — გადაწყვეტილება მოსამართლე გიორგი არევაძემ მიიღო.