საქართველოს შინაგან საქმეთა მინისტრის, გიორგი მღებრიშვილის განცხადებით, მათი უწყება პოლიტიკური პარტიების მხრიდან ნებისმიერ გადაცდომაზე ადეკვატური რეაგირება ექნება. მინისტრს მიაჩნია, რომ ამით ყველა მოქალაქის არჩევანის თავისუფლება დაცული. ამის შესახებ მღებრიშვილმა საქართველოს ყველა რეგიონის პოლიციის დეპარტამენტების დირექტორებთან და შს სამინისტროს სხვადასხვა დანაყოფის ხელმძღვანელებთან სამუშაო თათბირის დროს ისაუბრა.

"პოლიცია არის აპოლიტიკური და ინარჩუნებს ნეიტრალიტეტის პრინციპს. ასე იყო წინასაარჩევნო პერიოდში და ასე იქნება არჩევნების დროსაც. ამასთან, არჩევნების დღეს, იმისთვის, რომ პოლიციამ ეფექტურად იმუშაოს, გადავდივართ მუშაობის საგანგებო რეჟიმზე. თუმცა, ბუნებრივია, არც ერთ პოლიციელს არ შეექმნება პრობლემა, მივიდეს არჩევნებზე და გააკეთოს საკუთარი არჩევანი", - განაცხადა მღებრიშვილმა.

საქართველოში თვითმმართველობის არჩევნები ორ დღეში, 21 ოქტომბერს იმართება.