ოცნების ხელისუფლების საგარეო საქმეთა სამინისტრო ახლო აღმოსავლეთის რეგიონში არსებული ვითარებიდან გამომდინარე, რიგი ქვეყნების საჰაერო სივრცის დახურვის გამო შექმნილი სამგზავრო შეფერხებებთან დაკავშირებით განცხადებას ავრცელებს.

მათი ცნობით, საქართველოს მოქალაქეებისთვის, რომელთა საქართველოში დაბრუნებასაც დროულად ვერ უზრუნველყოფენ შესაბამისი ავიაკომპანიები, შესრულდება სპეციალური რეისები. უწყების განმარტებით რეისები დაინიშნება მუსკატიდან (3 და 5 მარტს) და რიადიდან (4 მარტს).

"საქართველოს მოქალაქეთა საყურადღებოდ:

ახლო აღმოსავლეთის რეგიონში არსებული ვითარებიდან გამომდინარე, რიგი ქვეყნების საჰაერო სივრცის დახურვის გამო შექმნილი სამგზავრო შეფერხებების გათვალისწინებით, საქართველოს მოქალაქეებისთვის, რომელთა საქართველოში დაბრუნებასაც დროულად ვერ უზრუნველყოფენ შესაბამისი ავიაკომპანიები, საქართველოს მთავრობის გადაწყვეტილებით შესრულდება სპეციალური რეისები:

მუსკატი (ომანის სასულთნო) — თბილისი (საქართველო)

03.03.2026 | 19:00 (ადგილობრივი დროით)

05.03.2026 | 19:00 (ადგილობრივი დროით)

რიადი (საუდის არაბეთი) — თბილისი (საქართველო)

04.03.2026 | 19:00 (ადგილობრივი დროით)

საქართველოში გამგზავრების მსურველ საქართველოს მოქალაქეებს შეუძლიათ მიმართონ საქართველოს შესაბამის საელჩოებს:

საქართველოს საელჩო არაბთა გაერთიანებულ საამიროებში (აბუ-დაბი):

• ცხელი ხაზი (24/7): +971 54 2324 335

• ტელეფონი: +971 2 553 36 83

• ელ-ფოსტა: [email protected]

საქართველოს საელჩო კატარის სახელმწიფოში (დოჰა):

• ცხელი ხაზი (24/7): +974 52 098 071

• ტელეფონი: +974 44 739 499

• ელ-ფოსტა: [email protected]

აქვე, ვსარგებლობთ შემთხვევით და განსაკუთრებულ მადლობას გადავუხდით არაბთა გაერთიანებული საამიროებისა და კატარის მხარეებს, მოქალაქეების მიმართ გამოჩენილი მხარდაჭერისა და მზრუნველობისათვის", — აღნიშნულია უწყების განცხადებაში.

შეგახსენებთ, 28 თებერვალს ისრაელმა და ამერიკის შეერთებულმა შტატებმა ირანის სხვადასხვა ობიექტზე კოორდინირებული ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა. დონალდ ტრამპმა ისლამური რესპუბლიკის ბირთვული პროგრამის განადგურების განზრახვის შესახებ გამოაცხადა. თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი.

მეტი ახლო აღმოსავლეთში განვითარებულ მოვლენებზე: