2 მარტს გაფორმებულ 9 ოპოზიციური პარტიის ალიანსს პარტია გახარია საქართველოსთვის წევრი, გიორგი შარაშიძემ "პალიტრანიუსის" ეთერში გამოეხმაურა. ის აცხადებს, რომ "ყველა ის პარტია, რომელიც ამ გაერთიანებაშია, არის ნაციონალური მოძრაობის განაყოფი. ცხრავე ყველა ყოფილი "ნაცია", ოფიციალურადაც და დნმ-ითაც".

"ლოგიკური რაღაც მოხდა, არაფერი გასაკვირი ამაში არ არის. პარტიები, ვინც ვიხილეთ გაერთიანებაში, ყველანი არიან რადიკალური დნმ-ის მქონე პარტიები, რომლებიც ყველანი მოდიან[ნაციონალური მოძრაობიდან]. ვის აქვს განსხვავებული წარსული? აბსოლუტურად ყველას აქვს ერთი და იგივე წარსული. ყველა ის პარტია, რომელიც დღეს ამ გაერთიანებაშია, არის "ნაციონალური მოძრაობის" განაყოფი. ცხრავე ეგრეა, ყველა ყოფილი "ნაცია", ოფიციალურადაც და დნმ-ითაც.

"ნაცობა" არ არის მაინც და მაინც პარტიის წევრობა და პარტიული ბიოგრაფია, "ნაცობა" არის იდეოლოგია და დაგვისახელეთ, რომელმა შეიცვალა "ნაცური" იდეოლოგია? დღემდე ყველა მიყვება ამ იდეოლოგიას და ამიტომაც არიან ისინი მიუღებელი საზოგადოების უდიდესი ნაწილისთვის. ჩვენთვის ეს ფლანგი, რა თქმა უნდა, წითელი ხაზია, წითელი ხაზი იყო ყოველთვის და დარჩება წითელ ხაზად", — განაცხადა გიორგი შარაშიძემ.

ცნობისათვის, გუშინ ოპოზიციური პარტიების ალიანსი შედგა, რომელშიც გაერთიანებულია 9 პარტია: ახალი, გირჩი — მეტი თავისუფლება, დროა, ევროპული საქართველო, ეროვნულ-დემოკრატიული პარტია, ერთიანი ნაციონალური მოძრაობა, თავისუფლების მოედანი, სტრატეგია აღმაშენებელი და ფედერალისტები. ამ ალიანსს ასევე არ შეუერთდნენ: ლელო ძლიერი საქართველო და გახარია საქართველოსთვის.

ალიანსს არ შეუეთდნენ: ძლიერი საქართველო ლელო, გახარია საქართველოსთვის და ანა დოლიძის პარტია ხალხისთვის.