არაბთა გაერთიანებული საამიროები აცხადებს, რომ თეირანში თავის საელჩოს ხურავს და ელჩსა და ყველა სხვა დიპლომატს უკან იწვევს. ეს გადაწყვეტილება "ირანის სარაკეტო თავდასხმების" საპასუხოდაა მიღებულია, რომელთა სამიზნეც საამიროების ტერიტორია გახდა. ინფორმაციას The Times of Israel ავრცელებს.

28 თებერვალს ისრაელმა და აშშ-მა ირანზე ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა. თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი.