მილანსა და კორტინაში ზამთრის XXV ოლიმპიური თამაშებზე ლუკა ბერულავას და ანასტასია მეტელკინას სპორტულმა წყვილმა ინდივიდუალურ ასპარეზობაში ორი პროგრამის ჯამში 221.75 ქულა დააგროვეს და ვერცხლის მედალს დაეუფლნენ. საქართველომ ზამთრის ოლიმპიადაზე მედალი ისტორიაში პირველად მოიპოვა. ამის შესახებ ინფორმაციას ოცნების ხელისუფლების სპორტის სამინისტრო ავრცელებს

მათი ცნობით, მოკლე პროგრამაში წყვილმა 75,46 ქულა დაიმსახურა, რაც მეორე შედეგი იყო, თავისუფალ პროგრამაში კი მათ 146,29 ქულა დააგროვეს და ასევე მეორე პოზიცია დაიკავეს.
ზამთრის ოლიმპიადაზე ფიგურულ მოციგურავეთა ნაკრებიდან უკვე იასპარეზა დიანა დევისისა და გლებ სმოლკინის წყვილმა, მათ ოლიმპიადაზე მეცამეტე ადგილი დაიკავეს, რაც

ოლიმპიადებზე სპორტული ცეკვების კატეგორიაში საქართველოს მიერ ნაჩვენები საუკეთესო შედეგია. ნიკა ეგაძემ კი მამაკაცთა კატეგორიაში ოლიმპიადაზე საქართველოს საუკეთესო შედეგი გაიმეორა და ასპარეზობა მეათე ადგილზე დაასრულა. ხოლო ფიგურული ციგურაობის ნაკრებმა საქართველოს ისტორიაში პირველად გუნდური ტურნირის ფინალში იასპარეზა და მეოთხე ადგილი დაიკავა. 17 თებერვალს უკვე ყინულზე მოკლე პროგრამით ანასტასია გუბანოვას ვიხილავთ.

ზამთრის 2026 წლის ოლიმპიური თამაშები 22 თებერვალს დაიხურება. ოლიმპიურ თამაშებზე საქართველო სპორტის ორ სახეობაში — ფიგურულ ციგურაობასა და სამთო-სათხილამურო სპორტში — რვა სპორტსმენითაა წარმოდგენილი.