ქართველებს, ისტორიულად, ბევრი რამ გვაქვს საამაყო და ბევრი რამ გამოგვარჩევს სხვა ერების კულტურებისგან. მათ შორის ჩვენი ქართული ენა. როდესაც ქართული ენის სიძლიერეს, სილამაზეს, მრავალფეროვნებასა და სიღრმეს ვუფიქრდებით, მაშინვე ქალბატონი მზექალა შანიძე გვახსენდება.

საქართველოში ენათმეცნიერების დარგს ერთ-ერთი ძირითადი დამფუძნებლის, აკაკი შანიძის ქალიშვილსა და თავად ბრწყინვალე მეცნიერს, ქალბატონ მზექალა შანიძეს 100 წელი შეუსრულდა.

ქალბატონი მზექალა, ათწლეულებია ქართული ენის სადარაჯოზე დგას და პირნათლად ემსახურება მეცნიერებას. ძალზე დიდია მისი ღვაწლი ენათმეცნიერებასა და ფილოლოგის განვითარებაში, ასევე აღსანიშნავია მის მიერ აღზრდილი სტუდენტთა არაერთი თაობა. იგი გახლდათ საქართველოს რესპუბლიკის პირველი მოწვევის უზენაესი საბჭოს წევრი და საქართველოს სახელმწიფოებრივი დამოუკიდებლობის აღდგენის 1991 წლის 9 აპრილის აქტის ერთ-ერთი ხელმომწერი.

2026 წლის 16 იანვარს ქალბატონი მზექალა შანიძე 100 წლის შესრულდა. მისი მრავალწლიანი მოღვაწეობა ნათლად აჩვენებს, როგორ შეიძლება ერთმა ადამიანმა შექმნას ხიდი ტრადიციასა და თანამედროვეობას შორის. თავისი მოღვაწეობით იგი გვასწავლის, რომ ენის სიყვარული მხოლოდ მისი დაცვა კი არა, არამედ მისი მუდმივი განვითარება და ბალანსის დამყარებაა ისტორიულ მეხსიერებასა და თანამედოვე სიახლეებს შორის.

თიბისისთვის, რომელიც — #წერექართულად, შემქმნელი ბრენდია, მნიშვნელოვანია ქართული ენის, როგორც მემკვიდრეობის შენარჩუნება და მის განვითარებაში მონაწილეობა. თიბისის ვიდეორგოლში ნახავთ და მოისმენთ ქალბატონი მზექალას პასუხს დღევანდელობის ერთ-ერთ ყველაზე მნიშვნელოვან საკითხზე: გლობალიზაციის ფონზე, ენასთან მიმართებაში, ჩნდება მთავარი კითხვა — როგორ გავუფრთხილდეთ ქართულ ენას?

“თიბისიში გვჯერა, რომ ენა ცოცხალი მემკვიდრეობაა, რომელიც დაცვასთან ერთად განვითარებასაც საჭიროებს. ქალბატონი მზექალა შანიძე ის მეცნიერია, რომელიც ათწლეულების განმავლობაში ქართული ენის ისტორიული ფესვების დაცვასა და, იმავდროულად, მის გააზრებულ გარდაქმნას ემსახურება. გვსურს, მისდამი, არა მხოლოდ ჩვენი უსაზღვრო პატივისცემა გამოვხატოთ, არამედ, როგორც #წერექართულად პროექტის ავტორმა ბრენდმა, ჩვენი ღირებულებების ბუნებრივ გაგრძელებაზე, ავიღოთ პასუხისმგებლობა — გავუფრთხილდეთ ქართულ ენას და შევუწყოთ ხელი მის განვითარებას“ — მაკუნა თავბერიძე, თიბისის მარკეტინგის და ბრენდის გამოცდილების ლიდერი.

ქართული მეცნიერების მემატიანეს, ქალბატონი მზექალა შანიძის, 100 წლის საიუბილეო თარიღის აღნიშვნას თიბისიც უერთდება და მისი რჩევით, ბრენდმა სიმბოლურად თავის გზავნილს სასვენი ნიშანი დაურთო — მთავარია, გჯეროდეს!