ბულგარეთის ეროვნული კინოცენტრი ქართველი რეჟისორის ლევან კოღუაშვილის მხატვრულ ფილმს, ბრაიტონის 4-ს დააფინანსებს. ფილმი ქართული, რუსული, ბულგარული და ფრანგული კოპროდუქცია იქნება. ამის შესახებ FilmNewEurope წერს.

დაფინანსების ახალ წყაროებზე დაყრდნობით, ეროვნული კინო ცენტრისგან, ბულგარული კოპროდიუსერი არტ ფესტი 100 000 ევროს მიიღებს.

ქართულმა კინო იბერიკამ მანამდე საქართველოს კინემატოგრაფიის ეროვნული ცენტრის დაფინანსება მოიპოვა. კიდევ ორი კოპროდიუსერი, რუსული New Media Order და ფრანგული MACT Productions არიან.

ბორის ფრუმინისა და ლევან კოღუაშვილის მიერ დაწერილი სცენარი, ქართველი ყოფილი მოჭიდავის ნიუ-იორკში, ბრუკლინში მოგზაურობას ეხება. მთავარი გმირის მიზანია, რომ თავისი ვაჟი აზარტულ თამაშებს ჩამოაშოროს. სცენარის ავტორისა და რეჟისორის ლევან კოღუაშვილის თქმით, მოჭიდავე ბრუკლინში ისეთ ადამიანებს ხვდება, რომლებიც ეხმარებიან და ასევე ისეთებსაც, რომლებიც საერთოდ აიგნორებენ, ამიტომ ფილმი ბრაიტონის 4 დრამისა და კომედიის მიქსია.

ბულგარელი კოპროდიუსერის სტეფან კიტანოვის თქმით, ფილმს საქართველოში, ბულგარეთში და ნიუ-იორკში გადაიღებენ. გადაღებების პროცესი 2016 წლის ოქტომბერში დაიწყება.

კოღუაშვილის წინა ფილმმა შემთხვევითი პაემნები 2013 წელს, აბუ დაბის კინო ფესტივალზე, სპეციალური ჟიურის პრიზი მოიპოვა.