ოცნების პრემიერმინისტრმა, ირაკლი კობახიძემ დღეს გამართულ ბრიფინგზე განათლების რეფორმაზე ისაუბრა და თქვა, რომს ახელმწიფო უნივერსიტეტებში სწავლების დონე საშუალო ან საშუალოზე დაბალია.

მან ასევე აღნიშნა, რომ ამ პრობლემის გამოსასწორებლად მათი მთავარი მიზანი არა შიდა კონკურენციის გაზრდა, არამედ განათლების ხარისხის ამაღლებაა. მისი თქმით,"არ შეიძლება გყავდეს 11 კარგი ფეხბურთელი და იფიქრო 10 გუნდის შექმნაზე", რითაც მიანიშნა იმაზე, რომ 64 უნივერსიტეტი სათანადო შედეგს ვერ დადებს.

"ჩვენი მთავარი მიზანი შიდა კონკურენცია ხომ არაა? ჩვენი მთავარი მიზანია, რომ საერთაშორისო მასშტაბით ვიყოთ კონკურენტული. დღეს პრობლემა ნახეთ რა არის. შენ როცა გყავს 11 კარგი ფეხბურთელი და გაქვს 10 გუნდი აპრიორი განწირული ხარ იმისთვის, რომ წესიერი გუნდი ვერ გეყოლება. არ შეიძლება გყავდეს 11 კარგი ფეხბურთელი და იფიქრო 10 გუნდის შექმნაზე. თუ გყავს 11 კარგი ფეხბურთელი უნდა შექმნა 1 ან მაქსიმუმ 2 გუნდი. და ჩვენ ვაკეთებთ რას, რომ გვყავს 11 კარგი ფეხბურთელი და 64 გუნდი გვაქვს შექმნილი.

ჩვენთვის შიდა კონკურენცია კი არ არის მთავარი, ჩვენთვის მთავარია კონკურენცია საერთაშორისო მასშტაბით, რომ საქართველოში ქართველმა სტუდენტმა შეძლოს მაღალი დონის განათლების მიღება. დღეს გეტყვით რა ვითარებაა მაგალითად იურიდიულ ფაკულტეტზე, ზეპირად ვიცი. თსუ-ში საშუალო დონის განათლებას ვაძლევთ ჩვენ სტუდენტს. საშუალოზე დაბალია ის იურიდიული განათლება, რომელსაც ისინი სხვა სახელმწიფო უნივერსიტეტებში იღებენ და კიდევ ერთხელ, 11 კარგი ფეხბურთელი თუ გყავს არ შეიძლება შექმნა 3, 5 და მითუმეტეს 64 გუნდი. აი, ეს არის დღევანდელი სისტემა და ეს სისტემა უნდა შეიცვალოს.

ვის არ მოსწონს ეს რეფორმა? ვინც ხელს ითბობს იმ სიმახინჯეზე, რომელიც არის ჩამოყალიბებული. მთავარი შედეგი არის რა, რომ ქართველი სტუდენტი სათანადო დონის განათლებას ვერ იღებს საქართველოში და ეს უნდა შევცვალოთ ხო?", — განაცხადა ირაკლი კობახიძემ ბრიფინგზე.

ჟუნრალისტის კითხვაზე იქნება თუ არა უფრო მეტად შესაძლებელი სტუდენტისთვის სათანადო განათლების მიწოდება კონკურენციის პირობებში კობხიძემ უპასუხა, რომ "შიდა კონკურენცია არაფრის საშველი არ არის"

"ჩვენი ამოცანა ის კი არ არის, რომ საქართველოში 64 გუნდი ერთმანეთს ეთამაშებოდეს კონკურენტულად. ჩვენი მიზანია, რომ საქართველოში ქართველმა სტუდენტმა მიიღოს მაღალი დონის განათლება, რაც დღეს უზრუნველყოფილი არ არის. შიდა კონკურენცია არაფრის საშველი არ არის. მთავარი საშველი არის განათლების ხარისხის ამაღლება და შესაბამისი პროცესების უზრუნველყოფა და შესაბამისი რეფორმების გატარება", — თქვა კობახიძემ.