ბავიტა მანდავა 25 წლის ინდოელი მოდელია, რომლის ცხოვრებაც 2025 წელს თავდაყირა დადგა. ბავიტამ ინდოეთში არქიტექტურის მიმართულებით ბაკალავრი დაამთავრა, მაგისტრატურის საფეხურზე სწავლის გასაგრძელებლად კი ნიუ-იორკში გადავიდა საცხოვრებლად.

ფოტო: bhavithamandava

ბავიტა წლის დასაწყისში, 2025 წლის გა­ზა­ფხუ­ლი-ზა­ფხუ­ლის სეზონის და­წყე­ბამ­დე ორი კვი­რით ადრე, ნიუ-იორკის მეტროში სამოდელო აგენტმა უამრავ ადამიანს შორის შეამჩნია. აგენტმა მისი ფოტოები მოდის სახლ Bottega Veneta-ს კრეატიულ დირექტორს, მეთიუ ბლაზს, გაუგზავნა. ასე შეირჩა ბავიტა მანდავა Bottega Veneta-ს ჩვენებაზე გამოსასვლელად. ამას მალევე ბრენ­დის სა­რეკლა­მო კამ­პა­ნი­ა­ში ბავიტას მო­ნა­წი­ლე­ო­ბაც მოჰყვა.

მოგვიანებით, მეთიუ ბლაზი Chanel-ის კრეატიული დირექტორი გახდა და ბავიტაც თან წაიყვანა. მანდავამ მონაწილეობა მიიღო 2026 წლის გაზაფხული-ზაფხულის შოუში. 2 დეკემბერს კი მოდელმა ბლაზის მიერ მოწყობილი 2026 წლის Métiers d’art შოუ გახსნა. სიმბოლურია, რომ ეს შოუ სწორედ იქ ჩატარდა, სადაც მანდავას სამოდელო კარიერა დაიწყო — ნიუ-იორკის მეტროს სადგურში.

ფოტო: Chanel

მოდელმა შოუს შემდეგ საკუთარი მშობლების ვიდეო გამოაქვეყნა, სადაც ისინი ბავიტას მიერ შანელის შოუს გახსნას უყურებენ და ემოციებს ვერ იკავებენ. ვიდეოსთან ერთად ბავიტამ მადლიერებაც გამოხატა:

სიტყვებით ვერ გადმოვცემ, რამდენს ნიშნავს ეს ყველაფერი ჩემთვის

2 დეკემბერს ბავიტა მანდავა გახდა პირველი ინდოელი მოდელი, რომელმაც Chanel-ის შოუ გახსნა.

იხილეთ ვიდეო: