ოცნების პარლამენტის თავმჯდომარე შალვა პაპუაშვილი აცხადებს, რომ თუ პარტია მოქალაქეები, კოალიცია ძლიერი საქართველო და ლიბერალებისა და დემოკრატების ალიანსი ევროპისთვის (ALDE) არ გაემიჯნებიან ალეკო ელისაშვილს, "ადამიანს, რომელმაც აღიარა ტერორისტული აქტის ჩადენა, მის რიტორიკაში მოხსენიებულნი იქნებიან, როგორც ტერორისტის მფარველები".

"ახლა ქართველი ხალხი ვითხოვთ პასუხს და მოველით ALDE-სგან და ევროპული ძლებისგან, გვითხრან, ტერორიზმი არის თუ არა ევროპული ღირებულება. ვინაიდან, ადამიანი, რომელმაც აღიარა ტერორისტული აქტის ჩადენა, მას საკუთარი პარტია ანუ პარტია მოქალაქეები არ ემიჯნება, ესე იგი ეს პარტია არის ტერორისტის მფარველი პარტია. მეორე, თუკი მას არ ემიჯნება მისი კოალიციური პარტნიორი, ის გუნდი, რომელშიც ის დღემდე ირიცხება, მას არ ემიჯნება, ესე იგი, ესეც არის ტერორისტის მფარველი. და თუკი მას არ ემიჯნება ის პოლიტიკური გაერთიანება, რომლის წევრიც არის ეს კოალიცია, ესე იგი, ისინიც არიან ტერორიზმის მფარველები.

მე პირადად დაველოდები ხუთშაბათი, პარასკევი. ეს კვირა მგონი კიდევ დრო აქვთ. ორშაბათამდე არ იქნება გამიჯვნა, გარიცხვა, მაშინ ორშაბათიდან როგორც “მოქალაქეები”, ისე ძლიერი საქართველოს გაერთიანება, ისე ALDE ჩემს რიტორიკაში მოხსენიებულნი იქნებიან, როგორც ტერორისტის მფარველები. ასე რომ, ორშაბათამდე აქვთ დრო, ორშაბათიდან ისინი უკვე ოფიციალურად გახდებიან ტერორისტების მფარველი ორგანიზაციები და ამას ყოველ განცხადებაზე შევახსენებთ", — თქვა პაპუაშვილმა.