"მივედით შეთანხმებამდე, რომ ერთჯერადი ჭიქები, თეფშები, დანები, საწრუპები და ასეთი სეგმენტის სხვა ნივთები აკრძალული იქნება", — ამის შესახებ ოცნების ხელისუფლების გარემოს დაცვისა და სოფლის მეურნეობის მინისტრის მოადგილემ ზურაბ ეზუგბაიამ პარლამენტის ეკონომიკური პოლიტიკის კომიტეტის სხდომაზე თქვა. "ნარჩენების მართვის კოდექსში" ცვლილებები დაჩქარებული წესით განიხილება.

"ბიზნესსექტორთან კონსულტაციების შედეგად მივედით შეთანხმებამდე, რომ ერთჯერადი ჭიქები, თეფშები, დანები, საწრუპები და ასეთი სეგმენტის სხვა ნივთები აკრძალული იქნება. ბიზნესსექტორს მიეცემა იმ მარაგების ამოყიდვის საშუალება, რომელიც იმპორტის აკრძალვამდე იქნება შემოტანილი, მაგრამ ამოყიდვის პერიოდის დასრულების შემდგომ უნდა იმართოს შიდა ვაჭრობა.

სახელმწიფო სექტორმა ერთჯერად ჭიქებთან დაკავშირებით შესაძლოა თვითშეზღუდვა განახორციელოს და შესყიდვაზე თქვას უარი, რასაც საკანონმდებლო საფუძველი სჭირდება. გვინდა, რომ სახელმწიფო სექტორი მაგალითის მომცემი და მოწინავე გახდეს იმ კუთხით, რომ ნარჩენების მართვის კუთხით წინ გადაიდგას ნაბიჯი და პლასტიკის ნივთების შეზღუდვა მოხდეს", — განაცხადა ზურაბ ეზუგბაიამ კომიტეტის სხდომაზე (კომენტარს IPN ავრცელებს).