10 ნოემბერს, მეცნიერების საერთაშორისო დღეს, ოცნების ხელისუფლების განათლების, მეცნიერებისა და ახალგაზრდობის მინისტრმა გივი მიქანაძემ, "ღვაწლმოსილ და ახალგაზრდა მეცნიერებს გამორჩეული სამეცნიერო და პედაგოგიური მოღვაწეობისათვის სიგელები და საპატიო ჯილდოები გადასცა". ამის შესახებ ინფორმაციას ოცნების ხელისუფლების განათლების, მეცნიერებისა და ახალგაზრდობის სამინისტრო ავრცელებს.

განათლების უწყების ცნობით, ღონისძიების ფარგლებში სიგელები და საპატიო ჯილდოები გადაეცათ – რუსთაველის ფონდის პრემიის "მეცნიერებაში შეტანილი წვლილისა და განსაკუთრებული მიღწევებისთვის" 10 ლაურეატ მეცნიერს, რუსთაველის ფონდის 2025 წლის პრემიის კონკურსის "მეცნიერებაში განსაკუთრებული მიღწევებისათვის" შვიდი სამეცნიერო მიმართულებით გამარჯვებულ ახალგაზრდა მეცნიერებს და რუსთაველის ფონდის 2025 წლის პრემიის კონკურსის "ქალები მეცნიერებაში — განსაკუთრებული მიღწევებისათვის მათემატიკის მიმართულებით" გამარჯვებულ ქალ მეცნიერს.