თბილისის სახელმწიფო კონსერვატორიის შენობაზე რუსეთის სახელმწიფო დროშა აღარ დაიკიდება. ამის შესახებ On.ge-ს კონსერვატორიის საზოგადოებასთან ურთიერთობის მენეჯერმა, ირაკლი ევსტაფიშვილმა განუცხადა.

კონსერვატორიის შენობიდან რუსეთის დროშა თავისუფალი ზონის წევრმა, ონისე გერგედავამ გუშინ, 7 ოქტომბერს ჩამოხსნა და დახია. მან ფეისბუკის საკუთარ გვერდზე ვიდეო გაავრცელა, სადაც ჩანს თუ როგორ მიიტანა კიბე, დროშის ჩამოსახსნელად.

"ოკუპანტის დროშა რომ საქართველოს სახელმწიფო შენობაზე ფრიალებს ეს სირცხვილია. ეს არის დამონება", - ამბობდა ის.

შინაგან საქმეთა სამინისტროს ცნობით, სამართალდამცავებს არავინ დაუკავებიათ.