საქართველოში ბოლო დროინდელ საკანონმდებლო ცვლილებებზე შეფასებას ODIHR უახლოეს მომავალში გამოაქვეყნებს. ამის შესახებ ეუთო/ოდირი X-ზე წერს.

განცხადებაში ნათქვამია, რომ ODIHR "ყურადღებით აკვირდება მოვლენებს და აგრძელებს დახმარებას საქართველოში დემოკრატიისა და ადამიანის უფლებების განმტკიცების საკითხში"

"საქართველოს ომბუდსმენის მოთხოვნის საფუძველზე, ODIHR მალე გამოაქვეყნებს სამართლებრივ მიმოხილვას საქართველოში ბოლო დროინდელ საკანონმდებლო ცვლილებებზე, რომლებიც მშვიდობიანი შეკრების უფლებაზე ახდენენ გავლენას.

ჩვენ ყურადღებით ვაკვირდებით მოვლენებს და ვაგრძელებთ ჩვენს დახმარებას საქართველოში დემოკრატიისა და ადამიანის უფლებების განმტკიცების საკითხში", — ნათქვამია გავრცელებულ განცხადებაში.