ქართული ოცნების ყოფილი დეპუტატი, ზაზა გაბუნია მექსიკაში საქართველოს ელჩი აღარ იქნება.

ოცნების ხელისუფლების მთავრობის განკარგულება ოცნების დანიშნულ პრეზიდენტს, მიხეილ ყაველაშვილს წარედგინა. ზაზა გაბუნია თანამდებობიდან 2025 წლის 25 დეკემბრიდან გათავისუფლდება. განკარგულების მიხედვით, გათავისუფლების მიზეზი როტაციის წესით სამუშაო მივლინების ვადის გასვლაა.

"წარედგინოს საქართველოს პრეზიდენტს წინადადება, როტაციის წესით სამუშაო მივლინების ვადის გასვლის გამო, 2025 წლის 25 დეკემბრიდან ზაზა გაბუნიას მექსიკის შეერთებულ შტატებში საქართველოს საგანგებო და სრულუფლებიანი ელჩის თანამდებობიდან გათავისუფლების შესახებ," — ოცნების ხელისუფლების მთავრობის განკარგულებაში, რომელიც 10 ოქტომბრით თარიღდება.

ზაზა გაბუნია მექსიკაში საქართველოს ელჩად 2021 წელს დაინიშნა.