4 ოქტომბერს თბილისში განვითარებულ მოვლენებთან დაკავშირებით კიდევ 16 პირი დააკავეს. ამის შესახებ ოცნების შინაგან საქმეთა მინისტრმა გელა გელაძემ განაცხადა.

გელა გელაძის თქმით, სისხლის სამართლის დევნა დაიწყო უცხოეთში მყოფ ორ პირთან დაკავშირებით. მისივე განმარტებით ერთ-ერთი მათგანი შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილი უფროსი ირაკლი შაიშმელაშვილია.

"უცხოეთში მყოფ ორ პირთაგან, რომელთა მიმართაც დაწყებულია სისხლის სამართლებრივი დევნა, ერთ-ერთი ირაკლი შაიშმელაშვილია. მას ბრალად ედება საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ მოწოდება", — განაცხადა ოცნების შინაგან საქმეთა მინისტრმა.

4 ოქტომბრის საქმეზე, ამ დრომდე, სულ 62 პირია დაკავებული.