ეუთოში ნორვეგიის მუდმივი წარმომადგენლობა ეუთოს მოქმედი თავმჯდომარის საქართველოში ვიზიტთან დაკავშირებით განცხადებას ავრცელებს, სადაც აღნიშნულია, რომ ეუთოს მოქმედ თავმჯდომარეს სრულ ნდობას უცხადებენ. მათივე განმარტებით,"მისი გამოჩენა თბილისის აქციების მახლობლად არ ამცირებს თავმჯდომარის მიუკერძოებელ როლს და არც პრინციპულ დიალოგს, რომელიც ჩვენი საერთო ღირებულებების საფუძველია."

"ისლანდია, კანადა, დანია, ესტონეთი, ლიეტუვა, ლატვია, ნიდერლანდები, შვედეთი, გაერთიანებული სამეფო და ჩემი ქვეყანა — ნორვეგია — სრულ ნდობას ვუცხადებთ ეუთოს მოქმედ თავმჯდომარეს, ფინეთის საგარეო საქმეთა მინისტრს ელინა ვალტონენს.

ჩვენ ვაფასებთ მის ჩართულობას საქართველოს სხვადასხვა მხარესთან დიალოგში და მის მკაფიო მხარდაჭერას ეუთოს ფუნდამენტური ვალდებულებებისადმი, მათ შორის გამოხატვის თავისუფლებისა და მშვიდობიანი შეკრების უფლებების დაცვის საკითხებში.

მისი გამოჩენა თბილისის აქციების მახლობლად არ ამცირებს თავმჯდომარის მიუკერძოებელ როლს და არც პრინციპულ დიალოგს, რომელიც ჩვენი საერთო ღირებულებების საფუძველია. ჰელსინკის ფინალურ აქტში ყველა მონაწილე სახელმწიფომ იკისრა ვალდებულება, ხელი შეუწყოს თითოეული ადამიანის უფლებებისა და თავისუფლებების ეფექტურ განხორციელებას.

1991 წლის მოსკოვის დოკუმენტით, ჩვენ ერთხმად დავთანხმდით, რომ ეუთოს "მესამე განზომილების" ვალდებულებები წარმოადგენს უშუალო და კანონიერ საზრუნავს ყველა მონაწილე სახელმწიფოსთვის და არ ეკუთვნის მხოლოდ კონკრეტული სახელმწიფოს შიდა საქმეებს.

ჩვენ მივესალმებით თავმჯდომარის ძალისხმევის გაგრძელებას სამხრეთ კავკასიის რეგიონში და სრულად ვუჭერთ მხარს მის მანდატს", — წერია განცხადებაში.

ცნობისთვის, ეუთოს თავმჯდომარე ელინა ვალტონენი 14 ოქტომბერს საქართველოს ეწვია, მანამდე ის სომხეთი იმყოფებოდა, 15 ოქტომბერს კი აზერბაიჯანში გაემგზავრა. ვალტონენი, საქართველოში ვიზიტის ფარგლებში, ოცნების ხელისუფლების საგარეო საქმეთა მინისტრს შეხვდა, დღის ბოლოს კი რუსთაველის გამზირზე მიმდინარე აქციაზე მივიდა და პროტესტის მონაწილეებს მხარდაჭერა გამოუცხადა. 15 ოქტომბრის დილას ოცნების ხელისუფლების მთავრობის ადმინისტრაციამ გაავრცელა ინფორმაცია, რომ ამ ნაბიჯის გამო ირაკლი კობახიძემ მასთან შეხვედრა გააუქმა. ფინურ გამოცემასთან საუბრისას კი ვალტონენიმ განაცხადა, რომ აზერბაიჯანში გამგზავრების გამო თავდაპირველად მან გააუქმა ირაკლი კობახიძესთან შეხვედრა. ამის შემდეგ შსს-მ ეუთოს თავმჯდომარე გზის გადაკეტვისთვის 5000 ლარით დააჯარიმა.

მეტი ამ თემაზე:

• მარგუს ცაჰკნა: 10 ქვეყანა სრულ მხარდაჭერას უცხადებენ ელინა ვალტონენის
• "ოცნების" საგარეო უწყებამ ეუთოს, ელინა ვალტონენის ვიზიტთან დაკავშირებით, საპროტესტო ნოტით მიმართა
• ეუთოს მოქმედი თავმჯდომარე ელინა ვალტონენი რუსთაველის გამზირზე გზის გადაკეტვისთვის დაჯარიმდა
• "ბოდიშს ვიხდი, რომ თბილისში დაგეგმილი შეხვედრის გაუქმება მომიწია გადატვირთული გრაფიკის გამო" — ელინა ვალტონენი კობახიძეს
• Helsingin Sanomat: ელინა ვალტონენი აცხადებს, რომ ირაკლი კობახიძესთან შეხვედრა მან გააუქმა
• ეუთოს თავმჯდომარე და ფინეთის საგარეო საქმეთა მინისტრი ელინა ვალტონენი საოკუპაციო ხაზთან ჩავიდა
• ილჰამ ალიევი ეუთოს მოქმედ თავმჯდომარეს, ელინა ვალტონენის შეხვდა
• ირაკლი კობახიძემ ეუთოს თავმჯდომარე ელინა ვალტონენისთვან დაგეგმილი შეხვედრა გააუქმა
• ელინა ვალტონენი: ვგმობთ ოპოზიციის ლიდერების დაკავებებს
• შალვა პაპუაშვილი: "ელინა ვალტონენი მხარს უჭერს ძალადობრივი გადატრიალების ორგანიზატორებს და წესებზე დაფუძნებული საერთაშორისო წესრიგი ცარიელი ფრაზაა"
• "შერცხვენილი ხართ და ჩვენ თქვენთან არ გვსურს უკვე არანაირი ურთიერთობა" — ირაკლი ზარქუა ელინა ვალტონენის