ეუთოს თავმჯდომარე და ფინეთის საგარეო საქმეთა მინისტრი ელინა ვალტონენი საოკუპაციო ხაზთან ჩავიდა.

"დღეს მე ვიხილე ევროკავშირის მონიტორინგის მისიის შესანიშნავი საქმიანობა, რომელიც ადგილზე სტაბილურობის შენარჩუნებას ემსახურება ადგილობრივი თემების საკეთილდღეოდ.
ეუთო და ჩვენი სპეციალური წარმომადგენელი კრისტოფ შპეტი მჭიდროდ თანამშრომლობენ მისიასთან, რათა მხარი დაუჭირონ ამ მნიშვნელოვან ძალისხმევას.

როგორც ეუთოს თავმჯდომარე, ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას, მისი საერთაშორისო დონეზე აღიარებული საზღვრების ფარგლებში — როგორც ეს ჰელსინკის პრინციპებითაა განსაზღვრული.

მოვუწოდებთ რუსეთს, შეასრულოს 2008 წლის შეთანხმებით გათვალისწინებული ვალდებულებები და დააბრუნოს ომამდე არსებული პოზიციები," — წერს ვალტონენი X-ზე.

შეგახსენებთ, 14 ოქტომბერს საქართველოში ვიზიტით მყოფი ელინა ვალტონენი, დელეგაციის წევრებთან ერთად, პარლამენტთან შეკრებილ დემონსტრანტებს შეხვდა და მხარდაჭერა გამოუცხადა.