საქართველოს შემდეგ, ეუთოს მოქმედი თავმჯდომარე, ფინეთის რესპუბლიკის საგარეო საქმეთა მინისტრი ელინა ვალტონენი აზერბაიჯანში ჩავიდა. როგორც აზერბაიჯანის პრეზიდენტის, ილჰამ ალიევის ადმინისტრაცია იტყობინება, რომ ელინა ვალტონენის ხელმძღვანელობით ეუთოს დელეგაცია ილჰაემ ალიევა მიიღო.

ელინა ვალტონენი, 13 ოქტომბერს ჩამოვიდა და ოცნების ხელისუფლების საგარეო საქმეთა სამისნიტროში გამართა შეხვედრა. შემდეგ კი რუსთაველის გამზირზე აქციის მონაწილეებთან მივიდა, შემდეგ საკუთარ სოციალურ ქსელში ვიდეო გამოაქვეყნა, სადაც პროტესტის მონაწილეებს მხარდაჭერა გამოუცხადა.

სწორედ ამის გამო ოცნების ხელისუფლების პრემიერმინისტრმა, ირაკლი კობახიძემ დღეს, 15 ოქტომბერს დაგეგმილი შეხვედრა გააუქმა, შემდეგ კი ოცნების წარმომადგენლებმა ერთი მეორეს მიყოლებით გააკრიტიკეს ვალტონენინის რუსთაველის გამზირზე მიმდინარე აქციაზე გამოჩენა.

"გუშინ, კანონსაწინააღმდეგო მიტინგში მონაწილეობისა და ცრუ განცხადებების გაკეთების გამო, პრემიერმინისტრმა ფინეთის საგარეო საქმეთა მინისტრთან დაგეგმილი შეხვედრა გააუქმა", ­ — ნათქვამია ოცნების ხელისუფლების მთავრობის ადმინისტრაციის განცხადებაში.

სამხრეთ კავკასიაში ვიზიტის ფარგლებში, ელინა ვალტონენი საქართველოსა და აზერბაიჯანის შემდეგ სომმხეთს ეწვევა.