10 ქვეყანა ­­­— ესტონეთი, ისლანდია, დანია, ლიეტუვა, ლატვია, შვედეთი, ნორვეგია, კანადა, გაერთიანებული სამეფო (დიდი ბრიტანეთი) და ნიდერლანდები საქართველოში განვითარებული მოვლენების ფონზე სრულ მხარდაჭერას უცხადებს ფინეთის საგარეო საქმეთა მინისტრსა და ეუთოს თავმჯდომარეს, ელინა ვალტონენის. ამის შესახებ განცხადებას ესტონეთის საგარეო საქმეთა მინისტრი მარგუს ცაჰკნა ავრცელებს.

ის წერს, რომ სრულ მხარდაჭერას უცხადებენ ელინა ვალტონენის მანდატს მთელ სამხრეთ კავკასიაში

"ჩვენ ვაფასებთ მის ჩართულობას საქართველოში დაინტერესებულ მხარეებთან და მხარდაჭერას ვუცხადებთ ეუთოს წინაშე არსებული ვალდებულებების მიმართ, მათ შორის გამოხატვისა და შეკრების თავისუფლების მიმართულებით.

ჩვენ სრულად ვუჭერთ მხარს მის მანდატს მთელ სამხრეთ კავკასიაში", - წერს X-ზე მარგუს ცაჰკნა.

ეუთოს თავმჯდომარე ელინა ვალტონენი 14 ოქტომბერს საქართველოს ეწვია, მანამდე ის სომხეთი იმყოფებოდა, 15 ოქტომბერს კი აზერბაიჯანში გაემგზავრა. ვალტონენი, საქართველოში ვიზიტის ფარგლებში, ოცნების ხელისუფლების საგარეო საქმეთა მინისტრს შეხვდა, დღის ბოლოს კი რუსთაველის გამზირზე მიმდინარე აქციაზე მივიდა და პროტესტის მონაწილეებს მხარდაჭერა გამოუცხადა. 15 ოქტომბრის დილას ოცნების ხელისუფლების მთავრობის ადმინისტრაციამ გაავრცელა ინფორმაცია, რომ ამ ნაბიჯის გამო ირაკლი კობახიძემ მასთან შეხვედრა გააუქმა. ფინურ გამოცემასთან საუბრისას კი ვალტონენიმ განაცხადა, რომ აზერბაიჯანში გამგზავრების გამო თავდაპირველად მან გააუქმა ირაკლი კობახიძესთან შეხვედრა.