ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა უკრაინას 6.5 მილიონი ევროს ღირებულების აღჭურვილობა გადასცა. ამის შესახებ მან X-ზე დაწერა.

"უკრაინის თავისუფლებისთვის ბრძოლა გრძელდება და გრძელდება ჩვენი მხარდაჭერაც.

მოხარული ვარ, რომ უკრაინის სამსახურებს 6.5 მილიონი ევროს ღირებულების აღჭურვილობა გადავეცი. ეს მოიცავს დრონების ჩამკეტ სისტემებს, მიკროავტობუსებს და 4WD ავტომობილებს შორეულ და მიუწვდომელ ადგილებში მისასვლელად", — დაწერა კაია კალასმა.

ცნობისთვის, გუშინ, 13 ოქტომბერს ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში კიევში უკრაინის პრეზიდენტს, ვოლოდიმირ ზელენსკის შეხვდა.