ქრონიკა +-ის რედაქტორი, ელისო კილაძე შვილის, დავით ხარშილაძის საქმეზე შინაგან საქმეთა მინისტრს, გიორგი მღებრიშვილის სასამართლოში უჩივის. ამის შესახებ კილაძე On.ge-ს ესაუბრა.

როგორც კილაძე ამბობს, შვილის საქმეზე სასამართლოს დასაბუთებული გადაწყვეტილება გუშინ, 5 ოქტომბერს ჩაბარდა. მისი შეფასებით, გადაწყვეტილება "საბრალდებო დასკვნაა გამოძიების წინააღმდეგ".

"დეტალურად აღწერილია რა შეცდომები დაუშვა არა მხოლოდ გამოძიებამ, არამედ შს ნარკოტიკების წინააღმდეგ ბრძოლის მთავარმა სამმართველომ და ბრალდების მხარემ.
ჩვენ გავაგრძელებთ სამართლებრივ ბრძოლას ყველა იმ პირის წინააღმდეგ, ვინც უკანონო ბრძანება გასცა და შეასრულა,ასევე მოვითხოვთ მიყენებული ზიანის ანაზღაურებას", - აღნიშნა კილაძემ.

მისი თქმით, აუცილებელია გაირკვეს იმ ნარკოტიკული საშუალებების წარმომავლობა, რომლის არსებობის მოტივითაც დააკავეს მისი შვილი.

ხარშილაძე, 13 მარტს დააკავეს. 15 მარტს მას თბილისის საქალაქო სასამართლომ აღკვეთის ღონისძიების სახით წინასწარი პატიმრობა შეუფარდა. ხარჩილაძე 0,1626 გრამი ბუპრენორფინის შენახვის ბრალდებითა იყო დაკავებული. ელისო კილაძე შვილის დაკავებას თავის ჟურნალისტურ საქმიანობას უკავშირებს.