12 ოქტომბერს, პრაღაში "ბათუმელებისა" და "ნეტგაზეთის" თანადამფუძნებელსა და დირექტორს, მზია ამაღლობელსა და საქართველოს წინააღმდეგობის მოძრაობას "ფორუმი 2000"-ის საერთაშორისო ჯილდო გადაეცათ.

"წელს "ფორუმ 2000-ის" საერთაშორისო ჯილდო სიმამაცისა და პასუხისმგებლობისთვის გადაეცემა საქართველოს წინააღმდეგობის მოძრაობას და მის სიმბოლოს, მზია ამაღლობელს, პატივსაცემ ჟურნალისტს და დამოუკიდებელი მედია პლატფორმების „ბათუმელებისა“ და „ნეტგაზეთის“ დირექტორსა და დამფუძნებელს," — აცხადებს "ფორუმ 2000".

საქართველოს წინააღმდეგობის მოძრაობის სახელით "ფორუმი 2000"-ს საბა ბრაჭველი ესწრება. კონფერენციას ასევე ესწრებოდა საქართველოს მე-5 პრეზიდენტი, სალომე ზურაბიშვილი. მოგვიანებით, ზურაბიშვილმა სოციალურ ქსელში მზია ამაღლობელს ჯილდოს მიღება მიულოცა და აღნიშნა, რომ "ის საქართველოს წინააღმდეგობის სახეა".

სალომე ზურაბიშვილი

სალომე ზურაბიშვილი

"ვულოცავთ მზია ამაღლობელს, პრაღის ფორუმის საერთაშორისო ჯილდოს მფლობელს გამბედაობისა და პასუხისმგებლობისთვის. ის საქართველოს წინააღმდეგობის სახეა, რომელიც დემოკრატიისთვის, ღირსებისა და ევროპული მომავლისთვის იბრძვის. ვერც ერთი ციხე ან რეჟიმი ვერ გააჩუმებს ხალხს, რომელმაც უკვე აირჩია ევროპა", ­— წერს სალომე ზურაბიშვილი.