ჟურნალისტის კითხვაზე — როგორ წარმოგიდგენიათ ურთიერთობის აღდგენა, როცა ამერიკას ადანაშაულებთ რევოლუციური სქემების მოწყობაში? — თბილისის მერი კახა კალაძე პასუხობს, რომ აშშ-ს პრეზიდენტმა, დონალდ ტრამპმა "პირდაპირ ისაუბრა, რომ რევოლუციებს აფინანსებდნენ და მათ შორის საქართველოში".

"ამერიკა რომ აფინანსებდა [რევოლუციებს] ახლა გაიგეთ? პრეზიდენტი ტრამპი გამოვიდა და პირდაპირ ისაუბრა ყველაფერი, რომ რევოლუციებს ვაფინანსებდითო და მათ შორის საქართველოში.

...რა თქმა უნდა ყველაფერი ხელისგულზეა, ვითომ რაღაცა კეთილი საქმეებისთვის გადმორიცხული თანხები რეალურად ხმარდებოდა ექსტრემისტული ორგანიზაციების და იმ უსახური ადამიანების შექმნის დაფინანსებას, რაც დღეს წარმოდგენილია. პრეზიდენტ ტრამპს ვგულშემატკივრობ "დიფ სთეითის" დამარცხებაში. რამდენად შეძლებს ვნახოთ. გვინდა დავიწყოთ ურთიერთობები ახალი ფურცლიდან. ესაა ჩვენი დამოკიდებულება და სურვილი, რომ მოხდეს ურთიერთობების გადატვირთვა, რომ შეძლოს მეგობრობა, პარტნიორობა. ... პრეზიდენტმა პირდაპირ ხელისგულზე დაგვიდო ის ორგანიზაციები, ვინც საქართველოში აწყობდა სახელმწიფო გადატრიალებებს", — განაცხადა თბილისის მერმა.