მამუკა მდინარაძე: პირადად ჩემთვის ძალიან სამწუხარო იქნება, თუ კიდევ აღმოჩნდება სხვა ჩვენი ყოფილი თანაგუნდელი კორუფციაში გარეული

2 Oct. 2025, 11:12

"მე ისიც მოვისმინე წინა დღეების განმავლობაში, თითქოს ეს არის წინასაარჩევნო პიარის ნაწილი და მე პირობას ვაძლევ ყველა ასეთი ეჭვის (არათუ განცხადების) ავტორს, რომ კორუფციასთან ბრძოლა შეუქცევადად გაგრძელდება არჩევნების შემდეგაც, ვიდრე ჩვენი გუნდი ამ ქვეყნის სათავეში იქნება. აბსოლუტურ გარანტიას ვაძლევ ყველას, რომ კორუფციასთან ვიქნებით შეუწყნარებლები. თქვენ ახსენეთ ჩვენი ყოფილი თანაგუნდელები და პირადად ჩემთვის ძალიან სამწუხარო იქნება, თუ კიდევ აღმოჩნდება სხვა ჩვენი ყოფილი თანაგუნდელი კორუფციაში იმგვარად გარეული, რომ მას დაუმტკიცდება დანაშაული, თუმცა ასევე მინდა ვთქვა, რომ როდესაც ჩვენ ყველანი ერთად ამ ქვეყნისთვის ვიბრძოდით, ვიბრძვით, თავი გვქონდა და გვაქვს გადადებული და ამ დროს ვიღაცა გვერდით ხელს ითბობს და პირად კეთილდღეობაზე ზრუნავს, ეს არც მორალურად და არც კანონის მიხედვით გამართლებული საქციელი არ არის. ამიტომაც არავის მიმართ არ ვიქნებით შემწყნარებლები, თუკი კორუფციულ ფაქტებში ექნებათ ხელი გასვრილი", — განაცხადა ტელეკომპანია "იმედის" ეთერში სუს-ის ახალმა უფროსმა, მამუკა მდინარაძემ.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ