შსს-ს ინფორმაციით, გელა ხასაიასთან თანმხლები პირი აცხადებს, რომ დაზარალებულმა ბრალდებულზე სექსუალური ხასიათის ძალადობა სცადა. ხასაია აღნიშნულ ფაქტს ადასტურებს, მაგრამ ძალადობას უარყოფს.

"გელა ხასაიას თანმხლები პირები დაზარალებულის ცემის ფაქტს ადასტურებენ. ინციდენტის დროს, მასთან ერთად მყოფი ერთ-ერთი პირი ასევე ამბობს, რომ დაზარალებული სექსუალური ხასიათის ძალადობას ცდილობდა ხასაიაზე და ამ უკანასკნელის მხრიდან აგრესია და დაზარალებულის ცემა სწორედ ამან გამოიწვია.

ინციდენტს ადასტურებს თავად გელა ხასაიაც, თუმცა ძალადობას უარყოფს," — განაცხადეს უწყებაში.

შსს-ს ინფორმაციით, აქტივისტი გელა ხასაია ჯანმრთელობის განზრახ მსუბუქი დაზიანების ბრალდებითაა დაკავებული. ხასაიას და მასთან ერთად დაკავებულ 1998 წელს დაბადებული ვ.ქ-ს 3 წლამდე პატიმრობა ემუქრებათ.