კიბერთავდასხმის გამო შეფერხებები ფიქსირდება ევროპის რამდენიმე აეროპორტში, მათ შორის ბრიუსელში, ბერლინსა და ლონდონში. ბრიუსელში ფრენების ნახევარი გაუქმდა, ხოლო პარასკევიდან 500-ზე მეტი ფრენა შეფერხდა.

Reuters-ის ინფორმაციით, თავდასხმა შეეხო Collins Aerospace-ის MUSE სისტემას, რომელიც ავიაკომპანიებს რეგისტრაციისა და ბარგის ჩაბარების პროცესში ემსახურება. შედეგად, რიგ აეროპორტებში რეგისტრაცია და ჩასხდომა ხელით მიმდინარეობს.

ბერლინის აეროპორტში განაცხადეს, რომ ტექნიკური ხარვეზის გამო რეგისტრაციის პროცესი მნიშვნელოვნად შეფერხდა, ხოლო British Airways-მა სათადარიგო სისტემებზე გადართვით შეძლო ოპერირების გაგრძელება.