"გახარიამ თქვა, რომ უპასუხისმგებლობა არის მშვიდობიანი დამხობა და ამ ყველაფრის მოწოდება. მე,უფრო მეტიც, დავამატებდი, რომ ეს არის კანონსაწინააღმდეგო მოქმედება, რომელიც ისჯება კანონით" — ამის შესახებ ოცნების პარლამენტის წევრმა ნინო წილოსანმა 4 ოქტომბრის აქციაზე საუბრისას თქვა.

წილოსანის აზრით, ყველა ის სუბიექტი, რომელიც აცხადებს, რომ შეიძლება "მშვიდობიანი დამხობა" "ანტიკონსტიტუციურ და კანონსაწინააღმდეგო" მოწოდებას აკეთებს.

წილოსანი ყველა იმ პირის დასჯას მოითხოვს, ვინც ხალხს მშვიდობიანი რევოლუციისკენ მოუწოდებს

"ხელისუფლების ცვლილების ერთადერთი დემოკრატიული და კონსტიტუციური გზა არის ხალხის ნება და არჩევნები, რომელიც 4 ოქტომბერს გაიმართება. ყველაფერი, რაც ხალხის ნებას ეწინააღმდეგება, არის ანტიდემოკრატიული, ანტიკონსტიტუციური და რაც მთავარია, ძალადობრივი. იმიტომ რომ რევოლუცია, დამხობა, აქციები, თუ სხვადასხვა პროვოკაციის მეშვეობით ხელისუფლების ცვლილება არის ხალხის ნებაზე ძალადობა და ყველანაირი ძალადობა არის დაუშვებელი, მიუღებელი და კანონსაწინააღმდეგო. შესაბამისად, ყველა ის პოლიტიკური ე.წ. პარტია, რომელიც აცხადებს, რომ შეიძლება "მშვიდობიანი დამხობა" და ასეთი რაღაც "ლამაზი რევოლუცია", ყველა ეს ადამიანი თუ სუბიექტი ანტიკონსტიტუციურ და კანონსაწინააღმდეგო მოწოდებას აკეთებს.

გახარიამ თქვა, რომ უპასუხისმგებლობა არის მშვიდობიანი დამხობა და ამ ყველაფრის მოწოდება, მე უფრო მეტიც, დავამატებდი რომ ეს არის კანონსაწინააღმდეგო მოქმედება, რომელიც ისჯება კანონით და მოვითხოვ, რომ ყველა ადამიანი, ვინც ამგვარ მოწოდებას ან მცდელობას განახორციელებს შესაბამისად იყოს კანონით დასჯილი," — თქვა წილოსანმა.