მეფე ჩარლზ III–მ აშშ-ის პრეზიდენტ დონალდ ტრამპთან ერთად უინძორში გამართულ სადღესასწაულო ვახშამზე უკრაინას მხარდაჭერა გამოუცხადა. მან აღნიშნა, რომ ევროპას ტირანია კვლავ ემუქრება და აგრესიის შესაჩერებლად მოკავშირეები უკრაინის მხარდასაჭერად დგანან. ამის შესახებ ინფორმაციას უკრაინული მედია ავრცელებს.

"დღეს, როდესაც ტირანია კვლავ ემუქრება ევროპას, ჩვენ და ჩვენი მოკავშირეები ერთად ვდგავართ უკრაინის მხარდასაჭერად, აგრესიის შესაჩერებლად და მშვიდობის უზრუნველსაყოფად," — განაცხადა ჩარლზ III–მ.

The Kyiv Independent-ის ცნობით, სამეფო ოჯახის წევრები უკრაინის მხარდაჭერას მუდმივად გამოხატავენ. უკრაინის პრეზიდენტი ვოლოდიმირ ზელენსკი ზელენსკი მეფე ჩარლზს რამდენჯერმე შეხვდა, მათ შორის იმ დროსაც, როდესაც წლის დასაწყისში თეთრ სახლში ტრამპთან დაპირისპირება ჰქონდა.

დონალდ ტრამპი დიდ ბრიტანეთში სამშაბათს, 16 სექტემბერს, მეუღლესთან, მელანია ტრაპთან ერთად ჩავიდა.

მათ დიდი ბრიტანეთის საგარეო საქმეთა მინისტრი ივეტ კუპერი, აშშ-ის ელჩი უორენ სტივენსი და ვისკონტ ჰუდი დახვდნენ. ისინი პირდაპირ უინძორის სასახლეში გაემართნენ, სადაც ღამე გაათენეს კიდეც. დღეს ტრამპი ჩეკერსში დიდი ბრიტანეთის პრემიერმინისტრთან, კირ სტარმერთან შესახვედრად გაემგზავრა.