საქართველოს ბანკი, როგორც ბიზნესის სანდო პარტნიორი, აქტიურად უწყობს ხელს ტექნოლოგიური, ტურისტული, საგანათლებლო და სხვა სფეროების განვითარებას. ამჯერად, ბანკის მხარდაჭერითა და საქართველოს ტურიზმის სამიტ ტურისტერის თანაორგანიზებით, ჩატარდება კონფერენცია ერთ-ერთ ყველაზე მნიშვნელოვან მიმართულებასთან დაკავშირებით — ზამთრისა და სამთო-სათხილამურო ტურიზის თემაზე.

ღონისძიება 2025 წლის 19 სექტემბერს გაიმართება. კონფერენციაზე ყურადღება გამახვილდება საქართველოს ზამთრის კურორტების პოტენციალზე, მათ კონკურენტულ უპირატესობებსა და განვითარების პერსპექტივებზე.

მონაწილეებს ექნებათ შესაძლებლობა, გაეცნონ უახლეს ტენდენციებს, ტექნოლოგიურ გადაწყვეტილებებსა და საკანონმდებლო სიახლეებს, რაც მათ ბიზნესის მოდერნიზაციასა და კონკურენტუნარიანობის ზრდაში დაეხმარება.

ღონისძიებაზე განხილული იქნება:

  • პირდაპირი ჯავშნების ზრდა;
  • ციფრული მარკეტინგის გამოყენება ადგილობრივი ტურისტების მოსაზიდად;
  • ოთხივე სეზონზე კურორტების ვიზიტირებადობის ზრდის სტრატეგიები;
  • საერთაშორისო ტურისტების მოზიდვა რეგიონული კონკურენციის პირობებში;
  • ახალი ტურიზმის კანონის გავლენა სექტორზე.

ღონისძიება თბილისში, 19 სექტემბერს 14:00 – 18:00 საათზე სასტუმრო მუზეუმში გაიმართება. დეტალური დღის წესრიგი იხილეთ ტურისტერის ვებგვერდზე. დასწრება თავისუფალია. რეგისტრაციისთვის ეწვიეთ ბმულს.