დაკავებულია 25 წლის ბრალდებული, რომელმაც 2023 წელს მისი თანატოლი დაჭრა და ადგილიდან მიიმალა. ინფორმაციას შინაგან საქმეთა სამინისტრო ავრცელებს.

დაკავებულს 11-წლიანი პატიმრობა მიესაჯა.

"განზრახ მკვლელობის მცდელობის ბრალდებით ძებნილი 2000 წელს დაბადებული ნ.ქ. დააკავეს. ბრალდებულმა ნ.ქ.-მ 2023 წლის 30 აპრილს, 2001 წელს დაბადებულ დ.ო.-ს ცივი იარაღით სხეულის არეში განზრახ მძიმე დაზიანებები მიაყენა და შემთხვევის ადგილიდან მიიმალა.

უზენაესი სასამართლოს გადაწყვეტილებით, ნ.ქ.-ს დაუსწრებლად შეეფარდა 11 წლით თავისუფლების აღკვეთა.

ბრალდებული გადაყვანილია პენიტენციურ დაწესებულებაში," — აღნიშნულია ინფორმაციაში.