პოლონეთის სახელმწიფო დაცვის სამსახურმა სამთავრობო შენობების თავზე მფრინავი დრონი გაანეიტრალა. ამის შესახებ პოლონეთის პრემიერმინისტრმა დონალდ ტუსკმა X-ზე დაწერა. მისი თქმით დაკავებულია ბელარუსის ორი მოქალაქე.

"სახელმწიფო დაცვის სამსახურმა ახლახან გაანეიტრალა უპილოტო აპარატი, რომელიც მთავრობის შენობებზე და ბელვედერზე ოპერირებდა. დაკავებულია ბელარუსის ორი მოქალაქე. პოლიცია შემთხვევის გარემოებებს იძიებს", — დაწერა დონალდ ტუსკმა.

ცნობისთვის, პოლონეთის არმიის ოპერატიული სარდლობის განცხადებით, 10 სექტემბერს რუსეთის მიერ უკრაინაზე განხორციელებული თავდასხმის შედეგად, რუსეთმა პოლონეთის საჰაერო სივრცე დაარღვია. სარდლობის მიერ გავრცელებულ განცხადებაში აღნიშნულია, რომ რამდენიმე საფრთხის შემცველი დრონი ჩამოაგდეს. ბოლო ინფორმაციით, პოლონეთმა მათ საჰაერო სივრცეში შესული 19 დრონიდან 4 ჩამოაგდო.