"ქართლის ამბების" ინფორმაციით, გორის საკრებულოს თავმჯდომარე დავით რაზმაძე პოლიტიკიდან მიდის.

დავით რაზმაძე აცხადებს, რომ 4 ოქტომბრის არჩევნების შემდეგ თვითმმართველობაში აღარ იქნება — აღარც გორის საკრებულოში და აღარც მერიაში.

კითხვაზე, თუ რას აპირებს მომავალში, "თრიალეთის" ჟურნალისტს პასუხობს: "მოვიფიქრებ რამეს".

გამოცემა წერს, რომ დავით რაზმაძე, 2025 წლის 4 ოქტომბრის არჩევნებზე, ცესკოს მიერ გამოქვეყნებულ "ქართული ოცნების" პარტიულ და მაჟორიტარულ სიებში არ მოხვდა.

შეგახსენებთ, რომ გორის საკრებულოს თავმჯდომარემ ქართული ოცნებიდან დავით რაზმაძემ New York Times-თან ინტერვიუში განაცხადა, რომ ისინი [რუსები] აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ.

"ისინი [რუსები] აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ. მათ მღვდლის მანქანაც კი მოიპარეს, წარმოგიდგენიათ? რუსები რომ არ მოსულიყვნენ, ვინ იცის, კიდევ რამხელა ზიანს გამოიწვევდნენ", — აცხადებს დავით რაზმაძემ New York Times-თან (კომენტარს "ნეტგაზეთი" ავრცელებს).

გორის საკრებულოს მოქმედი თავმჯდომარემ ისიც თქვა, რომ საქართველო ევროკავშირის ნაწილი გახდეს.

"პირადად მე არ მინდა ევროკავშირის ნაწილი გავხდე და მათ გვითხრან, რა ვქნათ. როგორც საბჭოთა კავშირი დაინგრა, ახლა მინდა ვნახო ევროკავშირის დაცემა, რადგან ის ჩვენს წინააღმდეგაა", — ამბობს დავით რაზმაძე.