"ნაომარი ქალაქი რუსული მმართველობის წინააღმდეგ" — გორის საკრებულოს თავმჯდომარის, დავით რაზმაძის მიერ New York Times-თან გაკეთებული ანტისახელმწიფოებრივი განცხადებები შემდეგ, გორში საპროტესტო აქცია დაიგეგმა.

"მოგიწოდებთ!

ყველა პოლიტიკური პარტიის წარმომადგენელს, როგორც ადგილობრივს ისე ცენტრალურს, სამოქალაქო საზოგადოებას, არასამთავრობო სექტორს, აქტივისტებს, დღეს ყველას გელოდებით გორში!

ეს არ არის მხოლოდ გორის სირცხვილი, ეს ყველაფერი საქართველოს ღირსებაზე გადის! მნიშვნელოვანია, რომ საჭირო და დროული პასუხი გაეცეს ამ არარაობას!" — წერია ორგანიზატორების მიერ გავრცელებულ განცხადებაში.

შეგახსენებთ, გორის საკრებულოს თავმჯდომარემ ქართული ოცნებიდან დავით რაზმაძემ New York Times-თან ინტერვიუში განაცხადა, რომ რუსები "აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ".

საზოგადოების მწვავე რეაქციის შემდეგ, გორის საკრებულოს თავმჯდომარემ, დავით რაზმაძემ NYT-ის ჟურნალისტი, სკოტ ანდერსონი ინფორმაციის გაყალბებაში დაადანაშაულა. ის "TV პირველთან" სატელეფონო საუბრისას ამბობს, რომ ის, რაც New York Times-ის ინტერვიუში წერია "თავიდან ბოლომდე ცილისწამება და სიცრუეა".

ასევე იხილეთ: