ინდონეზიის კუნძულ ბალიზე წყალდიდობას 14 ადამიანი ემსხვერპლა. ინფორმაციას Reuters ინდონეზიის საგანგებო სიტუაციების მართვის სამსახურზე დაყრდნობით ავრცელებს და წერს, რომ დაღუპულებს შორის უცხო ქვეყნის მოქალაქეებიც არიან.

საერთაშორისო მედიის ინფორმაციით, ორი ადამიანი დაკარგულად ითვლება. მათი ცნობით, სამძებრო სამუშაოები ამ დრომდე გრძელდება და მასში 125 მაშველი მონაწილეობს.

საგანგებო სიტუაციების მართვის სამსახურის ინფორმაციით, მიმდინარე კვირაში მოსული ძლიერი წვიმებით გამოწვეული წყალდიდობის შემდეგ 500-ზე მეტი ადამიანის ევაკუაცია მოუწიათ.