"ქართული ოცნების საპარლამენტო კომისიის მიერ მომზადებული ანგარიში ეფექტიანად გამოიყენა დე-ფაქტო სამხრეთ ოსეთმა იმ ბრალდებების დასასაბუთებლად, რომელიც წლების განმავლობაში ვრცელდებოდა რუსეთ-ოსეთის მიერ," — ამის შესახებ დემოკრატიის კვლევის ინსტიტუტის განცხადებაშია აღნიშნული.

ორგანიზაცია წერს, რომ დასკვნა პირდაპირ პასუხებს "რუსულ ნარატივს და ემსახურება რუსულს საქმეს".

"დე-ფაქტო სამხრეთ ოსეთის მთავრობა ქართული ოცნების საპარლამენტო დროებითი საგამოძიებო კომისიის დასკვნას გამოეხმაურა და ომის დამნაშავედ საქართველოს მაშინდელი მთავრობის გამოცხადება დადებითად შეაფასა.

ანგარიშს დაუყოვნებლივ გამოეხმაურა დე-ფაქტო სამხრეთ ოსეთის სამთავრობო სააგენტო "Res" და განმარტა, რომ ანგარიში ადასტურებს მაშინდელი საქართველოს ხელმძღვანელობის დანაშაულს, რომ ომის მთავარ დამნაშავედ წარმოდგენილია არა რუსული საოკუპაციო რეჟიმი, არამედ ქართული მხარე და "აგრესიული ომი სამხრეთ ოსეთის მშვიდობიანი მოსახლეობის წინააღმდეგ, სწორედ, საქართველომ გააჩაღა". სტატიაში ნათქვამია, რომ კომისიის დასკვნა სწორედ სამხრეთ ოსეთისა და რუსეთის პოზიციების სისწორის დადასტურებაა და ზუსტად პასუხებს მათ მიერ წლების განმავლობაში გავრცელებულ პოზიციას.

ქართული ოცნების საპარლამენტო კომისიის მიერ მომზადებული ანგარიში ეფექტიანად გამოიყენა დე-ფაქტო სამხრეთ ოსეთმა იმ ბრალდებების დასასაბუთებლად, რომელიც წლების განმავლობაში ვრცელდებოდა რუსეთ-ოსეთის მიერ. დასკვნა პირდაპირ პასუხებს რუსულ ნარატივს და ემსახურება რუსულს საქმეს," — ნათქვამია დემოკრატიის კვლევის ინსტიტუტის განცხადებაში.

ცნობისთვის, ოცნების პარლამენტში ე.წ. დროებითი საგამოძიებო კომისიის თავმჯდომარემ თეა წულუკიანმა კომისიის 460-გვერდიანი დასკვნა წარადგინა, რის შემდეგაც მადლობა გადაუხადა კომისიის წევრებს გაწეული მუშაობისთვის. წულუკიანის თქმით, ეს დოკუმენტი "მალე გადაეცემა პარლამენტის არქივს და ამ ყველაფერს ჩვენი ისტორიკოსები და არა მხოლოდ ისტორიკოსები — ახალი თაობაც გამოიყენებს".