"ტვ პირველის" ინფორმაციით, რესტორან "ქვევრში" ქართულ ოცნებასთან დაახლოებული პირი ლაშა ბასლანძე, რესტორნის მფლობელს, ზურაბ ტიბუას თავს დაესხა და ცეცხლსასროლი იარაღიდან ბრმად გაისროლა.

"ჩემს პარტნიორთან მომივიდა კონფლიქტი, მისი უღირსი საქციელის გამო. შეურაცხყოფა მივაყენე... დაზიანებამდე საქმე არ მისულა. გაწევ-გამოწევის დროს მისმა მეგობარმა, თუ დაცვის თანამშრომელმა, რაღაც გაფორმებული იარაღით, ჰაერში გაისროლა. რესტორნის თანამშრომლებმა იარაღი წაართვეს და პოლიციას გადასცეს. ეს არის მთელი ამბავი. მე პრეტენზია არ მაქვს — პოლიცია თუ პასუხს მოსთხოვს ჰაერში სროლაზე, ეს მათი საქმეა," — განუცხადა ლაშა ბასლანძემ "რუსთავი 2"-ს.

შალვა ტიბუას ადვოკატმა, თამარ აბესაძემ IPN-ს განუცხადა, რომ შელაპარაკება ფინანსურ უთანხმოებაზე მოხდა. ადვოკატის ინფორმაციით, ტიბუას ბასლანძეზე "ქვევრი" იჯარით ჰქონდა გაცემული, რომლის ნაკისრ ვალდებულებებსაც ბრალდებული არ ასრულებდა. ბასლანძემ თავდასხმა მას შემდეგ გადაწყვიტა, რაც დაკისრებული ვალდებულებების შეუსრულებლობის გამო მფლობელმა მას ხელშეკრულება შეუწყვიტა.

მოგვიანებით, ტვ პირველმა გაავრცელა ვიდეო კადრები, რომელშიც ჩანს, თუ როგორ შეიჭრა, სავარაუდოდ, შეიარაღებული შეიჭრა ლაშა ბასლანძე რესტორან “ქვევრში”.