პორტუგალიის დედაქალაქ „გლორიას“ ფუნიკულიორზე ვაგონი ოთხშაბათს საღამოს, 3 სექტემბერს, ლიანდაგიდან გადავიდა. CNN Portugal-ის ცნობით, მომხდარის შედეგად 15 ადამიანი დაიღუპა და 18 დაშავდა, მათ შორის ხუთი მძიმედ.

ერთ-ერთი დაშავებული სამი წლის ბავშვია, მისი მდგომარეობა დამაკმაყოფილებლადაა შეფასებული. დაღუპულთა ცხედრები ნანგრევებიდან ამოიყვანეს. დაღუპულთა და დაშავებულთა ეროვნება ჯერ არ არის ცნობილი, მაგრამ ცნობილია, რომ მათ შორის უცხოელებიც არიან.

ერთ-ერთმა თვითმხილველმა ტელეარხ SIC-ს განუცხადა, რომ ფუნიკულიორის ვაგონი, რომელიც ციცაბო ქუჩაზე „სრული სიჩქარით“ მიდიოდა, შენობას შეეჯახა და „ბანქოს სახლივით ჩამოინგრა“.

ლისაბონის საქალაქო საბჭომ სამდღიანი გლოვა გამოაცხადა.

"ჩვენს ქალაქს ასეთი ტრაგედია არასდროს უნახავს", — განაცხადა ქალაქის მერმა კარლოს მუედასმა.

გავრცელებული ინფორმაციით, ავარია შესაძლოა გამოწვეული ყოფილიყო გაწყვეტილი ან დასუსტებული სადენით. ლისაბონის საზოგადოებრივი ტრანსპორტის ოპერატორმა "კარისმა" განაცხადა, რომ გამოძიება უკვე დაწყებულია. "გლორიას ფუნიკულიორი" 1885 წელს ამოქმედდა, მისი ელექტროფიცირება 1915 წელს მოხდა და ყოველ ოთხ წელიწადში ერთხელ კაპიტალურ რემონტს გადის.