ჩინეთმა თავისი უახლესი კონტინენტური ბალისტიკური რაკეტა DF-61 დღეს გამართულ გამარჯვების აღლუმზე წარადგინა. ამის შესახებ ინფორმაციას CNN ავრცელებს.

გიგანტური რაკეტა, რომელიც მოძრავ პლატფორმაზეა განთავსებული, პირველად გამოჩნდა სოციალურ ქსელებში.

DF-61 სამხედრო აღლუმზე ჯგუფურად წარადგინეს JL-1 საჰაერო ბაზირებაზე განთავსებულ ბალისტიკურ რაკეტასთან, JL-3 წყალქვეშა ნავიდან გაშვებულ ბალისტიკურ რაკეტასთან (რომელსაც კონტინენტთაშორისი დიაპაზონი აქვს) და DF-31-ის ახალ ვერსიასთან ერთად, რომელიც ხმელეთზე განლაგებული კონტინენტთაშორისი ბალისტიკური რაკეტაა.

სახელმწიფო სააგენტო Xinhua აღნიშნავს, რომ შორ მანძილზე მოქმედი რაკეტების ეს გაერთიანება "პირველად წარმოაჩენს ჩინეთის არმიის სახმელეთო, საზღვაო და საჰაერო ბაზებზე დაფუძნებულ სტრატეგიულ ბირთვულ ძალას — "სამი ერთში" ფორმატში. ეს არის სტრატეგიული "კოზირი", რომელიც იცავს ეროვნულ სუვერენიტეტსა და ღირსებას."

ცნობისთვის, დღეს ჩინეთში გამარჯვების აღლუმი მიმდინარეობს. მასში მონაწილეობას 26 სახელმწიფოს და მთავრობის მეთაური იღებს.